ꯏꯁꯥꯒꯤ ꯃꯇꯥꯡꯗ ꯋꯥꯍꯩ ꯈꯔꯗꯡ

ꯈꯨꯔꯨꯝꯖꯔꯤ!

ꯑꯩꯍꯥꯛꯀꯤ ꯃꯤꯡ ꯒꯧꯔꯁ꯭ꯌꯥꯝ ꯃꯣꯏꯔꯥꯡꯊꯦꯝ ꯀꯧꯏ꯫ ꯏꯔꯨꯞ ꯏꯄꯥꯡꯁꯤꯡꯅ ꯁ꯭ꯌꯥꯝ ꯍꯥꯏꯅꯁꯨ ꯀꯧꯏ꯫ ꯑꯩꯍꯥꯛ ꯍꯧꯖꯤꯛ ꯑꯥꯏ.ꯑꯥꯏ.ꯑꯥꯏ.ꯇꯤ. ꯃꯅꯤꯄꯨꯔ ꯗ ꯄ꯭ꯔꯣꯖꯦꯛ ꯃꯦꯅꯦꯖꯔ ꯑꯣꯏꯅ ꯊꯕꯛ ꯇꯧꯖꯔꯤ꯫ ꯑꯩꯍꯥꯛ B.Tech. (ꯀꯝꯄ꯭ꯌꯨꯇꯔ ꯁꯥꯏꯟꯁ) ꯇ “ꯗꯤꯁꯇꯤꯡꯁꯟ” ꯐꯡꯂꯕ ꯁꯤꯟꯃꯤ ꯑꯃꯅꯤ꯫ ꯑꯩꯍꯥꯛ ꯏꯟꯐꯣꯔꯃꯦꯁꯟ ꯇꯦꯛꯅꯣꯂꯣꯖꯤ (ꯑꯥꯏ.ꯇꯤ.) ꯒꯤ ꯁꯤꯟꯐꯝꯗ ꯆꯍꯤ ꯸ ꯃꯨꯛ ꯂꯣꯏꯅꯖꯔꯛꯂꯦ꯫

ꯏꯡ ꯁꯣꯛ ꯲꯰꯱꯴, B.Tech. ꯀꯤ ꯑꯔꯣꯏꯕ ꯆꯍꯤꯗ ꯋꯤꯄ꯭ꯔꯣ ꯇꯦꯛꯅꯣꯂꯣꯒꯤꯁꯅ “ꯄ꯭ꯔꯣꯖꯦꯛ ꯏꯟꯖꯤꯅꯤꯌꯔ” ꯑꯃ ꯑꯣꯏꯅ ꯈꯟꯕꯤꯔꯛꯇꯨꯅ ꯊꯕꯛ ꯇꯧꯕ ꯍꯧꯖꯈꯤ꯫ ꯋꯤꯄ꯭ꯔꯣ ꯇꯦꯛꯅꯣꯂꯣꯒꯤꯁꯇ ꯑꯩꯍꯥꯛ ꯆꯍꯤ ꯳ ꯃꯨꯛ ꯂꯩꯖꯔꯝꯃꯤ꯫ ꯃꯇꯝꯗꯨꯗ ꯂꯥꯏꯕꯛ ꯐꯕ ꯑꯃꯁꯨꯡ ꯍꯣꯠꯅꯖꯃꯜꯅ ꯑꯩꯍꯥꯛꯄꯨ Best Campus Recruit in PES Excellence Awards 2016-17 ꯄꯤꯕꯤꯗꯨꯅ ꯁꯛ ꯈꯡꯕ ꯎꯠꯄꯤꯈꯤ꯫ ꯑꯃꯁꯨꯡ ꯆꯍꯤ ꯈꯨꯗꯤꯡꯒꯤ “ꯑꯦꯛꯁꯦꯂꯦꯟꯠ” ꯔꯦꯇꯤꯡ ꯄꯤꯕꯤꯔꯛꯈꯤ꯫

ꯏꯡ ꯁꯣꯛ ꯲꯰꯱꯷ ꯇ ꯑꯩꯍꯥꯀ ꯋꯤꯄ꯭ꯔꯣ ꯇꯦꯛꯅꯣꯂꯣꯒꯤꯁ ꯊꯥꯗꯣꯛꯂꯝꯂꯒ ꯌꯨꯃꯗ ꯐ꯭ꯔꯤꯂꯥꯟꯁꯤꯡ ꯑꯃꯁꯨꯡ “Start-Up” ꯀꯤ ꯃꯥꯏꯀꯩꯗ ꯑꯣꯟꯁꯤꯟꯗꯨꯅ ꯏꯔꯝꯗꯝ ꯃꯅꯤꯄꯨꯔꯗ ꯑꯥꯏ.ꯇꯤ. ꯁꯣꯂꯨꯁꯟꯁ ꯄꯨꯔꯛꯅꯕꯒꯤ ꯂꯝꯕꯤꯗ ꯈꯣꯡꯗꯥꯖꯔꯛꯈꯤ꯫

ꯏꯡ ꯁꯣꯛ ꯲꯰꯲꯰ ꯗꯒꯤ ꯑꯩꯍꯥꯀ ꯑꯥꯏ.ꯑꯥꯏ.ꯑꯥꯏ.ꯇꯤ. ꯃꯅꯤꯄꯨꯔ ꯗ ꯀꯝꯄ꯭ꯌꯨꯇꯔ ꯏꯟꯖꯤꯅꯤꯌꯥꯔꯤꯡ R&D ꯒꯤ ꯂꯝꯗ ꯊꯕꯛ ꯇꯧꯕ ꯍꯧꯖꯈꯤ꯫ ꯍꯧꯖꯤꯛ ꯍꯧꯖꯤꯛ ꯑꯩꯍꯥꯛ ꯃꯐꯝ ꯑꯁꯤꯗ “ꯄ꯭ꯔꯣꯖꯦꯛ ꯃꯦꯅꯦꯖꯔ” ꯑꯣꯏꯅ ꯂꯩꯖꯔꯤ꯫ ꯃꯇꯝꯁꯤꯗ ꯑꯩꯍꯥꯛꯅ ꯑꯍꯥꯟꯕ ꯃꯤꯌꯥꯝꯅ ꯁꯤꯖꯤꯟꯅꯕꯗ ꯌꯥꯝꯅ ꯂꯥꯏꯕ ꯃꯤꯇꯩ ꯃꯌꯦꯛꯀꯤ ꯀꯤꯕꯣꯔꯗ ꯑꯃ ꯁꯦꯝꯖꯈꯤ꯫ ꯃꯁꯤꯒꯤ ꯃꯔꯝꯗ ꯏꯕ IEEE ꯄꯦꯄꯔ ꯑꯗꯨ Google ꯔꯤꯁꯔꯁ ꯅꯁꯨ ꯃꯈꯣꯏꯒꯤ ꯄꯦꯄꯔꯗ cite ꯇꯧꯈꯤ꯫ ꯑꯗꯨꯒ ꯃꯇꯝꯁꯤꯗ ꯃꯅꯤꯄꯨꯔꯒꯤ ꯑꯍꯥꯟꯕ ꯑꯣꯏꯅ ꯃꯤꯇꯩꯂꯣꯟ, ꯇꯥꯡꯈꯨꯜ, ꯊꯥꯗꯧ, ꯃꯥꯎ ꯑꯃꯁꯨꯡ ꯀꯕꯨꯏ/ꯔꯣꯡꯃꯩ ꯂꯣꯅꯁꯤꯡꯒꯤ ꯃꯔꯛꯇ ꯑꯥꯔꯊ ꯍꯟꯗꯣꯛꯄ ꯉꯝꯕ Kangleiwordnet ꯀꯧꯕ ꯋꯦꯕꯁꯥꯏꯠ ꯑꯃ ꯁꯦꯝꯗꯨꯅ ꯃꯌꯥꯝꯗ ꯐꯡꯍꯟꯕꯗ ꯑꯆꯧꯕ ꯊꯧꯗꯥꯡ ꯂꯧꯕ ꯉꯝꯖꯈꯤ꯫

ꯑꯩꯍꯥꯛ ꯀꯝꯄ꯭ꯌꯨꯇꯔ ꯏꯟꯖꯤꯅꯤꯌꯥꯔꯤꯡ ꯒꯤ ꯂꯝꯗ ꯑꯅꯧ ꯑꯅꯧꯕ ꯍꯤꯔꯝꯁꯤꯡ ꯊꯤꯒꯠꯇꯨꯅ ꯃꯥꯂꯦꯝꯒꯤ ꯊꯥꯛꯇ ꯁꯣꯠꯊꯍꯧꯔꯕ ꯍꯤꯔꯝꯁꯤꯡ ꯀꯝꯄ꯭ꯌꯨꯇꯔ ꯁꯤꯖꯤꯟꯅꯔꯒ ꯆꯥꯎꯈꯠꯍꯟꯅꯕ ꯍꯣꯠꯅꯕ ꯍꯥꯏꯕꯁꯤꯅ ꯏꯊꯧꯗꯥꯡ ꯑꯣꯏꯖꯔꯤ꯫ ꯃꯔꯨ ꯑꯣꯏꯅ ꯃꯅꯤꯄꯨꯔꯤ ꯏꯃꯥ ꯂꯣꯟꯕꯨ ꯃꯥꯂꯦꯝꯒꯤ ꯊꯥꯛꯇ ꯄꯨꯈꯠꯇꯨꯅ ꯑꯇꯣꯞꯄ ꯂꯣꯟꯁꯤꯡꯒ ꯃꯦꯁꯤꯟ ꯇ꯭ꯔꯥꯟꯁꯂꯦꯁꯟ ꯇꯧꯕ ꯌꯥꯍꯟꯅꯕ ꯍꯣꯠꯅꯔꯤ꯫

ꯑꯗꯣꯝꯅ ꯑꯩꯍꯥꯛꯄꯨ ꯊꯕꯛ ꯁꯨꯗꯕ ꯃꯇꯝ ꯏꯁꯩ ꯇꯥꯔꯝꯕ, ꯅꯠꯇ꯭ꯔꯒ ꯒꯤꯇꯔ ꯈꯣꯡꯂꯝꯕ, ꯅꯠꯇ꯭ꯔꯒ ꯍꯤꯔꯝ ꯑꯃꯗ ꯏꯔꯝꯕ, ꯅꯠꯇ꯭ꯔꯒ ꯑꯩꯒꯤ ꯅꯨꯡꯁꯤ ꯆꯥꯟꯅꯕꯁꯤꯡꯕ ꯀꯣꯏꯕ ꯆꯠꯂꯝꯕ ꯊꯦꯡꯅꯕꯤꯒꯅꯤ꯫

ꯑꯩꯍꯥꯛꯀꯤ ꯋꯦꯕꯁꯥꯏ꯭ꯠ ꯑꯁꯤꯕꯨ ꯌꯦꯡꯕꯤꯔꯝꯕꯒꯤ ꯑꯗꯣꯝꯕꯨ ꯊꯥꯒꯠꯆꯔꯤ꯫